Terwolde- Beste mensen: op 26 meert is dur weer un karkdiens in ut plat in de karke in Terwolde. Dan kump de dominee uut Barchem weer, den heet Jan Leijenhorst en die pröt zo plat as un dubbeltje. De veurige keer was ut thema "Wieter kiek'n" en noe is ut thema "Kiek is goed". Ut beloaft weer un mooie diens te word'n. In oe eig'n taal en met un betjen humor en ok un begriepelukke boodschap woar a'j hòpeluk ok wat an heb.
Ut zal dur weer un betje biezunder an toegoan. En durumme nödige wuule oe dan ok van harte uut um te komm’n. Iederene is welkom, van dichte bie en van verre weg. Ut maak niet uut of ie noe wel of niet völle in de karke komt of niet. Kom dur noe mar bie en belèf ut mee. En a’j mensen kent die ut ok mooi vindt um zon diens in ut plat mee te maak’n nem die dan gerust mee of nödig die uut. Noa de diens goa’w saam’n un komme koffie of thee drink’n en dan köj nog eff’n gezellig met mekare deurproat’n. En meschien zit tur ok nog wel un kuukske bie. Dus op 26 meert om 10.00 uur in de dorpskarke van Terwolde
woensdag 22 maart 2017
